Аңдатпа
Мақалада Одақтастық қатынастар туралы шарт (2022 жылғы 22 желтоқсан) контекстінде өңірлік қауіпсіздікті қамтамасыз ету бойынша Қазақстан мен Өзбекстан арасындағы практикалық ынтымақтастықтың жағдайы мен келешегі талқыланады.
Әлемде байқалып отырған күрделі геосаяси жағдай және оның Орталық Азияға әсері Астана мен Ташкенттің қауіпсіздік саласындағы тығыз мемлекетаралық ынтымақтастығына ықпал ететіні атап өтілді. Осылайша, Одақтастық қатынастар туралы Декларациядан (2021 жылғы 6 желтоқсан) айырмашылығы, Шартта қорғаныс және қауіпсіздік салаларындағы мемлекеттердің өзара іс-қимылын нығайтуға, тікелей қауіп-қатер туындаған жағдайда өзара көмек көрсетуге қатысты мазмұнды ережелер көрсетілген.
Зерттеудің өзектілігі бұл тақырыптың Орталық Азия және шетел авторларының еңбектерінде әлі де дұрыс жан-жақты талдауын таппағандығымен түсіндіріледі.